கடந்த மூன்று தினங்களாக அம்பாறை மாவட்டத்தில் காற்றுடன் கடும்மழை பெய்கிறது. இந்த மழையால் மாவட்டத்தின் கரையோரப் பகுதிகளிலுள்ள மக்களின் இயல்பு வாழ்வு பாதிக் கப்பட்டுள்ளது.

அத்தோடு தாழ்ந்த பகுதிகளில் வெள்ளம் தேங்கி நிற்பதால் அந்தப் பகுதியில் குடியிருந்த குடும்பங்கள் முன் எச்சரிக்கையாக வேறு இடங்களிலுள்ள உறவினர்களின் வீடுகளுக்குச் சென்று கொண்டிருக்கின்றனர்.

மாவட்டத்தில் மீள்குடியமர்ந்த குடும்பங்கள் பெரிதும் பாதிக்கப்பட்டு பொது இடங்களில் மீண்டும் தங்கியுள்ளார்கள்.

மழையோடு பலத்த காற்று வீசுவதாலும் கடல் கொந்தளிப்பாக இருப்பதால் மீனவர்கள் கடலுக்குச் செல்ல முடியாத ஒரு நிலை ஏற்பட்டுள்ளது, கரையில் நிறுத்திவைக்கப்பட்டிருந்த படகுகள் கூட கடல் கொந்தளிப்பால் கடலுக்குள் இழுத்துச் செல்லப்பட்டுள்ளதாக மீனவர்கள் தெரிவிக்கிறார்கள்.